مبارة كرة القدم بين بولاق وجاردن سيتى...الشوط الثانى

الشوط التانىسادتى آنساتى سادتى عودة الى استوديوهاتنا بالخارج لنقل المباراة
الشيقة بين فريق بولاق للسيدات وفريق جاردن سيتى انا شايفة روح التحدى زادت و فريق بولاق ابتدا يسخن
وجاب وابوووور جاز وقعدوا عليه وفريق جاردن سيتى فضلوا انهم يسخنوا
قاموا جابو دى جى ونازلين رقص والحكم بيشاور لهم وبيقولهم الماتش هيبدأكانت النتيجة واحد صفر لصالح فريق بولاق والحكم صفر واللعب ابتدى ام نوال المنصورة ماشية بالكورة باصتها لأم سيد ام سيد اديتها لأم ضياء ام ضياء
خدتها طولت منها حبة راحت لكريمان ...كريمان خدتها وبتجرى بتجرى راحت
مديها لياسمين ومن ياسمين لنانسى ونانسى مخطوبة 4 مرات وفكت
وعندها 26 سنة ومشتركة ف نادى الصيد بتصطاد بط طارت من نانسى راحت لجمالات .... جمالات عندها هبوط ركنت على جمب بتشاور
للحكم خير يارب رفضت اللجنة الطبية وطلعت برطمان المفتقة
من جيبها وابتدت تاكل الحكم زعق ادته بالكفالكورة خدتها هايدى هايدى ادت الكوة لمدام لولا مدام لولا بوتيك فى المهندسين
و3 عربيات واحدة دايو لانس والتانية بى ام والتالثة جيب برادوا
وبتروح لطبيب نفسانى ما علينا وماشية بالكورة ماشية بالكورة عند خط التمنتاشر هى وبالوظة هى وبالوظة اللى
قدامها يااااااااااااااه بالوظة الجول كيبر بتاعت بولاق طلعت جامدة
اوى ولحقت الكورة كورنر هتلعبها الحاجة حكمت وبالمناسبة هى لسة راجعة
م الحج وجايبة معاها جركن زمزم يوعدنا ويوعدكمالكورة ف وسط الملعب وهجمة جامدة من فريق بولاق اللى هاجم
وشايفة الجماهير بياعين الكبدة وبتوع المسامط ماسكين
راس عجل وبيحركوها فرحا نين وبيقولوا اجمدى يا ام سيد

ابن ام سيد شتم الحكم بأمه الحكم اعترض وقال هاتولى الواد دة ....
الحكم اتنازل بباكتة بانجو من ايدين ام سيد
ام علاء صرخت وقالت الحقونى الفتاء جالى فريق
العلاج الطبى قالوا لازم تتشال فورا دة فتاء جابو
6 رجالة بتوع مصارعة وشالوا ام علاء
ام ابراهيم بتلطم وام سيد بتصوت عليها سليمة يا حاجة ان شاء اللهفى تغييير ..... ايوة شايفة فى تغير .... ام عديلة نازلة ولابسة العباية المغربى
وبترقص اهه(والله ونولتيها يا أم عديلة) الهتافات شغالة
والحكم بعد سجارتين بانجو مش مركز
الحكم زغرط واعلن تكملة المباراه شوية ولقينا
هايدى بتصرخ وبتضرب الحكم على عينة
بتشاور للأدارة ان الحكم حضنها ادوها انذار راحت قالعة الفانلة
جمهور بولاق بيهتف لهايدى بدل فريقه ....(تانى تانى تانى عاوزين تانى)الحكم سقف بايديه وقال جرسوووون صفر بدالى
ام سيد بتقوله تحب تحشش ولاكفاية عليك كدة
الكورة عدت خدها الحكم ومشى بيها الناس بتقوله
انت تلعب ف وسطنا ليه انت اتسطلت؟؟؟؟؟ام عديلة بتثبت وجودها خدت الكورة جريت جامد وقعت على نانسى
نانسى ماتت الجمهور ولع نار فى المدرجات والطبلة والرق اشتغلوا
والهتافات زادت

قومى م النجيلة اسم الله يا م عديلة
ام عديلة قامت طلبت 2 كبدة وواحد كشرى عبال ما الاسعاف تيجى تشيل نانسى
الماتش بقى نار وبولاق متقدمة والاغانى الفلكولورية شغالة
(سيد يا سيد ... سيد يا سيد) فريق سيدات بولاق اجمعوا بيخمسوا ف سجارة
اتفقوا على حاجة مش عارفاها ... فريق جاردن سيتى نفس الحكاية ماسكين كانز
دايت وبايسن حركات وبوم بوم طاقة بوم وشكلهم اتفقوا على حاجة ام تفيدة جريت بالكورة شاطتها لأم ابراهيم اديتها لأم سيد ام سيد بتجرى الهاجمة
شرسة خط دفاع جاردن سيتى جامد ومحاوطهم ايوة كدة يا هايدى اثبتى باكينام
ظافرها اتكسر حاولت تتماسك وتبين انها متأثرتش .....الحكم ميل باس صباعها
الصغنن ام تفيدة قربت جامد داخلة ع الجون داخلة ع الجون الجول كيبر شاهيناز
بتصرخ الحقونى هاتاكلنى .... ام تفيدة داخلة بالكورة وهى بتزغرط وماشية ماشية
ماشية
بتزغرط هتشوط هتشوط وهوباااااااااااااااااا جووووووووووووووووووووووووون جون جون جون جون يا ام تفيدة على طول الاعلام ظهرت وتفيدة بنتها شغلت ميكروفون
وزغرطت وفرقت ندر الكرشة والممبار
فريق جارن سيتى اصاب باحباط مدمر قعد ف الارض وفجأه
صرخت باكينام لأ لأ احنا ستات محترمة
الأمن المركزى نزل وسألها قالتلوا الحكم السبب قالى
كلمة تخدش الحياء ام سيد سمعاهم بتقول هى موافقة
الحكم جاب ابووووووه عشان يلغى الماتش
وزغرط الحكم على انتهاء الشوط التانى من المباراه بنقول لفريق بولاق الف مبرووووك عدمتوووهم العافيةبالهنا والشفا عليكمبنقول لفريق جاردن سيتى هارد لك والبقاء لله فى نانسى اما جمهورنا العزيز فبنعتذر عن قطع الصوت نظرا للهتافات
الغير لائقة والكلام البذئ
علما بأن ولاد الحاجة حكمت وام ابراهيم وام سيد
سبب البلاوى دى كلها سيداتى ساتى ارجو ان تكونوا قد استمتعتم بهذا
النقل المباشر من استاد عابدين كان معكم من الوحدة العاشرةأدمينلفى لنا يابنى سجارتين نافوخى ولع

ههههههههههههههههههههههههه
هنيأ لفريق بولاق وهردلك لفريق جاردن سيتي
ننتظر المزيد وبالتوفيق

» مبارة كرة القدم بين بولاق وجاردن سيتى...الشوط الاول
» معسكر تدريب كورة القدم فى اليايان