وفاة الرئيس (محمد حسنى مبارك ).. حقيقة ام اشاعة؟؟؟؟؟؟؟؟؟؟

السلام عليكم ورحمة الله وبركاته
باختصار شديد انا مقيم بالاسماعيلية وبعمل فى شركة بالقاهرة وسافرت امبارح على احد اوتوبيسات شرق الدلتا المتجه للقاهرة وسمعت حوار هادىء بين اثنين من الركاب ان مبارك توفى والاعلام مكتم ع الخبر طبعاً مصدقتش .. وصل البولمان رمسيس واستقليت مينى باص قطاع عام وسمعت نفس المضمون ولكن بتفاصيل مختلفة وهو ان مبارك ميت اكلينيكياً من يومين وبرضه الاعلام مكتم لغاية ما الحكومة ططبخها وتوزع الادوار على الممثلين .. قصدى المسؤلين..رحت الشغل ملقتش فى جديد نفس الكلام بدون اى اضافة
رجعت للاسماعيلية فى بيجو من المرج واستقليت المترو من رمسيس للمرج الجديدة وف المترو اتفتح نفس الموضوع ودخل في اطراف الحديث كل من كان موجود تقريباً واكتشفت انى انا الوحيد اللى مش عارف ( تقريباً عشان انا اسمعيلاوى معرفش مصراوى) المهم ان الاضافة اللى سمعتها المرة دى ان الرئييس راح فى غيبوبة من اكتر من اسبوع وبعدها مات اكلينيكياً وان اللى بيظهر فى الفترة الاخيرة دوبلير ليه لانه دايماً طالع بقفاه وان الحكومة مكتمة ع الخبر لغاية ما تشوف هتوزع السلطات بينهم ازاى بحيث يبقى امر واقع منعاً لاعتراض الشعب
انا دلوقتى مش عارف هل الخبر ده القاهره بس هى اللى عارفاه واسماعيلية بما انها دولة عدائية مش عارفاه ولا ايه الحكاية ؟؟؟؟ هل الخبر صحيح ام شائعة؟؟؟؟ هل لو صحيح يبقى التكتم ده تصرف حكومى طبقاً للدستور الجديد؟؟؟؟؟
هذا ما سوف تجيب عليه الايام القادمة

والله احنا ناس فاضيه مش وراها حاجه غير الا شاعات وشغل

أيوه كلامك مظبوط يادودى هما المصرين كده لما يكونو فاضين يحبو يرغو على الفاضى مشكور على مرورك يادودى